چینی فوجیں ہر وقت جنگ کیلئے تیار رہیں، صدر شی جن پنگ کا حکمنامہ جاری

بیجنگ چینی صدر شی جن پنگ نے عالمی سطح پر ہونے والی تبدیلیوں کی وجہ سے اپنی فوج کو ہمہ وقت جنگ کیلئے تیار رہنے کا حکم دیدیا ہے۔ ملکی خبرساں ادارے کے مطابق چینی صدر شی جن پنگ کی جانب سے جاری حکم میں کہا گیا ہے کہ ملک کی تمام افواج ہر لمحہ اور ہر گھڑی کسی بھی ممکنہ کارروائیوں کیلئے تیار رہیں۔افواج کو چاہیے کہ وہ اپنی تربیت مزید بہتر اور ٹیکنالوجی کا استعمال ضروری بنائیں۔ان کا کہنا تھا کہ کسی بھی قسم کی محاذ ا?رائی کیخلاف پیپلز لبریشن ا?رمی کے جوان ہر وقت تیار اور چوکس رہیں، قوت کو مضبوط کریں اور ذہن میں صرف فتح کا حصول رکھیں۔ چینی میڈیا کے مطابق صدر شی جن پنگ نے اس سلسلے میں ایک اہم فیصلہ کرتے ہوئے ایک نے حکم نامے پر دستخط کر دیئے ہیں۔اس حکم نامے میں کہا گیا ہے کہ فوج کی تربیت، ان کی جنگی صلاحیتوں اور تربیت کے نظام کو بہتر بنانے پر اپنی پوری توجہ مرکوز کی جائے۔ خیال رہے کہ اس سے قبل چینی صدر شی جن پنگ کی جانب سے اپنی فوج کیلئے 2018ئ میں اسی قسم کا حکم نامہ جاری کیا تھا۔یہ حکم انہوں نے 2018ئ میں فوج سے اپنے خطاب میں دیا تھا۔ تاہم اب انہوں نے تحریری طور پر اس کو لازم قرار دیدیا ہے۔ ذہن میں رہے کہ چین کے صدر شی جن پنگ کا شمار اپنے ملک کے ان عظیم لیڈروں میں ہوتا ہے جنہوں نے اپنے ملک کی ترقی میں اہم کردار ادا کیا۔شی جن پنگ 2012ئ میں اپنی مسلح افواج کے سربراہ اعلیٰ بنے تھے۔ اس کے بعد سے انہوں نے چین کی فوج کو جدید خطوط پر استوار کرنے کیلئے دن رات محنت کی اور اسے اس مقام پر پہنچایا۔

Leave a Reply

Your email address will not be published. Required fields are marked *